Даланзадгад сум "Гавьяат" ахмадуудаа хүлээн авч хүндэтгэл үзүүллээ.
______________________________________________
Даланзадгад сумын ИТХурлын дарга, Засаг дарга нар Монгол улс болон сум орон нутгийнхаа хөгжлийн төлөө олон жил үр бүтээл, идэвх зүтгэлтэй ажиллаж, өөрийн ажил мэргэжлийн ур чадвараараа бусдыгаа манлайлан нийгэм эдийн засгийг хөгжүүлэх үйл хэрэгт өндөр амжилт гарган хөдөлмөр зүтгэлээ төрдөө үнэлүүлэн "Гавьяат" цол хүртсэн ахмадуудаа хүлээн авч хүндэтгэл үзүүлэх үйл ажиллагааг зохион байгууллаа.
Хүндэтгэн үзэх шалтгааны улмаас зарим гавьяатууд маань хараахан ирж амжаагүй ч хүрэлцэн ирсэн гавьяатууддаа сумын удирдлагын зүгээс хийж хэрэгжүүлж байгаа ажил, бүтээн байгуулалтын талаар мэдээлэл хүргэж, ахмадуудынхаа санал бодлыг нь сонсож, үнэтэй сургаалуудыг нь цаашдынхаа ажилд тусган ажиллахаа илэрхийлэв.
Өмнөговь аймаг болон Даланзадгад сумынхаа нийт ахмадуудад эрүүл энх сайн сайхныг хүсэн ерөөе.