Даланзадгад сумын ИТХ-аар баталсан “Өсөлттэй Даланзадгад хот” хөтөлбөрийн 1 жилийн тайлангийн өдөрлөг арга хэмжээ Хөгжимт жүжгийн театрт амжилттай болж өндөрлөлөө. 2025 онд боловсрол, эрүүл мэнд, хөдөлмөр эрхлэлт, нийгмийн хамгаалал, соёл, спорт, байгаль орчин, хүнс хөдөө аж ахуй, жижиг дунд үйлдвэрлэл, дэд бүтэц, хөрөнгө оруулалт, гадаад харилцаа, аялал жуулчлалын салбарт оновчтой, үр дүнтэй төсөл хөтөлбөр, хөрөнгө оруулалт, бүтээн байгуулалтыг хийж иргэн төвтэй төрийн үйлчилгээг үзүүлэхэд онцгой анхааран ажиллаж байгааг онцоллоо.

Даланзадгад сумын иргэдийн Төлөөлөгчдийн Хурлын ээлжит 7-р хуралдаан 12 дугаар сарын 11-ний өдөр хуралдахаар товлогдсон. Ээлжит 7-р хуралдаанаар хэлэлцэх асуудлуудыг Ардчилсан намын бүлэг урьдчилан хэлэлцэж байна. Даланзадгад сумын 2026 оны хөгжлийн жилийн төлөвлөгөө, төсөв батлах тухай, Газар зохион байгуулалтын 2025 оны төлөвлөгөөний хэрэгжилт, 2026 оны төлөвлөгөө батлах тухай зэрэг 8 асуудлыг хэлэлцэж байна.

Тус хурлаар Даланзадгад сумын ИТХ-ын ээлжит 7-р хуралдааны хэлэлцэх асуудалд нэмэлт өөрчлөлт оруулж, , Сумын ИТХ-ын дэргэдэх хороодын үйл ажиллагааны тайланг сонсож шилдэг хороо, Даланзадгад сумын шилдэг хамтарсан багуудыг шалгарууллаа.

Тус хурлаар Даланзадгад сумын ИТХ-ын ээлжит 7-р хуралдааны товийг 2025 оны 12 дугаар сарын 11-нд хуралдуулахаар тогтоолоо. Мөн Даланзадгад сумын 10 багийн хамтарсан багийн үйл ажиллагааны тайлан, сумын ГХУСАЗСЗ-ийн 2025 оны үйл ажиллагааны тайланг сонслоо.

2026 ОНЫ ТӨСВИЙН ТӨСӨЛД ИРГЭДЭЭС САНАЛ АВЧ БАЙНА Даланзадгад сумын 2026 оны төсвийн төсөлд санал авахаар Даланзадгад сумын иргэдийн Хурлын Төлөөлөгчид "ИРГЭДЭЭ СОНСЪЁ" санал хүсэлтийн форм арга хэмжээг 2025 оны 11 дүгээр сарын 25, 27, 28-ны өдрүүдэд зохион байгуулагдаж байна. 2025.11.25-нд 10:00 цагт Баруунсайхан 1-р баг /Ганган супермаркет/ 12:00 цагт Хан-Уул 2-р баг /Аmaz дэлгүүр/ 14:00 цагт Далан 3-р баг /Худалдаан төв Очир дэлгүүр/ 16:00 цагт Дундсайхан 4-р баг /4-р сургууль/ 2025.11.27-нд 10:00 цагт Зүүнсайхан 5-р баг /Шувуутай тоглоомын талбай, Ивээл худалдааны төв/ 12:00 цагт Их-Уул 6-р баг /Даланзадгад сумын ЗДТГ/ 14:00 цагт Оюут 7-р баг /Солонго супермаркет/ 16:00 цагт Цагаанбулаг 8-р баг /8-р багийн төвийн зогсоол/ 2025.11.28-нд 10:00 цагт Чандмань 1-р баг /Sunrise дэлгүүр, Арвин шим/ 12:00 цагт Начин 10-р баг /Цэлмүүн дэлгүүр, Малчин хороолол тоглоомын талбай/ Иргэд та бүхнийг идэвхтэй оролцохыг урьж байна

Даланзадгад сумын иргэдийн Төлөөлөгчдийн Хурлаас "Цахимд зөв хүн байя" сэдвийн хүрээнд иргэдийн цахим орчны зөв соёлтой хэрэглээг төлөвшүүлэх, цахим гэмт хэргээс урьдчилан сэргийлэх, цахим ёс зүй, хариуцлагыг дээшлүүлэх, цахим хэрэглээний сөрөг нөлөөллийг бууруулахад төр, иргэн, боловсролын байгууллага, хэвлэл мэдээлэл, олон нийтийн оролцоог нэмэгдүүлэх зорилгоор нийтийн сонсгол зохион байгууллаа. Тус сонсголоор : 1.Смарт сити” хөтөлбөрийн танилцуулга - Д.Нацагдорж /сумын ИТХ-ын дарга/ 2.Өмнөговь аймгийн “Дата төв”-ийн танилцуулга, цахим орчинд хувийн мэдээллээ хамгаалах – /Мэдээллийн аюулгүй байдлын инженер/ А.Мөнхбат 3.Аймаг, сумын гэмт хэрэг, зөрчлийн өнөөгийн нөхцөл байдал, цаашид анхаарах асуудал - /Даланзадгад сумын ГХУСАЗСЗ-ын нарийн бичгийн дарга/ цагдаагийн ахмад Я.Нэргүй 4.Цахим орчин дахь хүүхэд хамгаалал - /Хүүхэд, гэр бүлийн хөгжил хамгааллын хэлтсийн дарга/ Т.Золжаргал нар мэдээлэл хийлээ. Тус сонсголд: -Өмнөговь аймгийн ИТХ-ын нийгэм, хүний хөгжил, аялал жуулчлал, цахим бодлогын хорооны гишүүд, - Аймгийн ИТХ-ын ажлын албаны төлөөлөл, - Даланзадгад сумын ИТХ-ын дэргэдэх Нийгмийн бодлогын хорооны гишүүд, - Даланзадгад сумын ГХУСАЗСЗ-ийн гишүүд, - Даланзадгад сумын 10 багийн хамтарсан багийн бүрэлдэхүүн, - Өмнөговь аймгийн Засаг даргын дэргэдэх мэдээллийн технологийн "Хурдан" клубийн төлөөлөл, - Хүүхэд, гэр бүлийн хөгжил, хамгааллын хэлтсийн дарга Т.Золжаргал, - Иргэний нийгмийн байгууллагын төлөөлөл, - Өмнөговь аймгийн Дата төвийн мэдээлэл аюулгүй байдлын инженер А.Мөнхбат нар сонсголд оролцлоо. Тус нийтийн сонсголоос гарсан зөвлөмж, уриалга: - Хүүхэд, залуусын дижитал орчны боловсролыг сайжруулж, цахим ёс зүй, зөв хэрэглээг сургалт, хөтөлбөрт тогтмол тусгах - Эцэг эх, багш, байгууллагууд хамтран цахим дээрэлхэлт болон сэтгэцийн эрүүл мэндийн асуудлаас урьдчилан сэргийлэх - Олон салбарын байгууллагууд хамтран цахим гэмт хэрэг, эрсдэлийг бууруулах бодлого, төсөв, системтэй арга хэмжээг хэрэгжүүлэх - Хэвлэл мэдээлэл, контент бүтээгчид эерэг, хүүхдэд аюулгүй контент түгээхэд манлайлах - Олон нийтийн цахим группүүд ёс зүйтэй удирдлага, хяналттай байж, хууль бус болон доромж контентын эсрэг хатуу зохицуулалт хийх Уриалга: Бүгдээрээ цахим орчинд хариуцлагатай, эерэг, зөв хүн байцгаая!

Аймгийн иргэдийн Төлөөлөгчдийн Хурлын “Нийгэм, хүний хөгжил, аялал жуулчлал,цахим бодлогын хороо” болон Даланзадгад сумын “Нийгмийн бодлогын хороо” сургууль, цэцэрлэгийн удирдлагуудтай уулзаж санал хүсэлтийг сонслоо. Уулзалтад аймгийн Нийгмийн бодлогын хэлтсийн дарга Ц.Бадамцэрэн, Боловсролын газрын дарга Д.Баасанхүү оролцож, салбарын бодлого, цаашид хэрэгжүүлэх ажлуудын талаар дэлгэрэнгүй мэдээлэл өглөө. Түүнчлэн багш, удирдлагуудын дуу хоолойг сонсож, боловсролын чанарыг сайжруулах, хүүхдийн сурах орчныг бүрдүүлэх, орон нутгийн онцлогт нийцсэн бодлого, шийдвэрийг хамтдаа боловсруулах чиглэлд анхаарч ажиллахаар боллоо.

Монгол Улсын Засгийн газрын 2025 оны 23 дугаар тогтоолын дагуу “Төрийн байгууллагын архив, албан хэрэг хөтлөлт, ажлын зохион байгуулалтын улсын үзлэг” 4 жил тутамд зохион байгуулагддаг бөгөөд 2025 оны 10 дугаар сарын 23-ны өдөр Даланзадгад сумын иргэдийн Төлөөлөгчдийн Хурлын ажлын албанд зохион байгуулагдаж байна. Тус үзлэгийг Цахим хөгжил, инновац, харилцаа холбооны яамны Салбарын хяналтын газрын дарга С.Цагаанхүү, Төрийн албаны зөвлөлийн Хүний нөөцийн удирдлага, аудитын газрын дарга С.Нямбаяр, Архивын ерөнхий газрын Мэдээллийн технологийн газрын дарга Х.Төмөрбаатар, Архивын ерөнхий газрын Хяналтын улсын байцаагч С.Наранчимэг нарын бүрэлдэхүүнтэй ажлын хэсэг зохион байгуулж байна.

Баярын хурлаар тээврийн салбарт олон жил үр бүтээлтэй ажилласан жолооч тээвэрчид, салбарын шилдэг ажилтан, алба хаагчдад шагнал гардуулж, амжилт хүслээ.

МУ-ын 4 дэх том хот болох алхамаа хийсэн Даланзадгад хот маань буюу "Ухаалаг_Даланзадгад" платформыг орон нутгийнхаа Дата төвтэй хэрхэн уялдаатай хөгжүүлэх, нутаг дэвсгэрийн хэмжээнд буй гэмт хэрэг зөрчлөөс урьдчилан сэргийлэх зорилгоор буй болгож буй телекамерын системийн ашиглалт үйлчилгээг боловсронгуй болгон, ашиглалтын нэмэгдүүлэх, хиймэл оюун, их өгөгдлийг төрийн үйл ажиллагаандаа ашиглах давуу тал зэргээр санал солилцож, бүтэц үйл ажиллагаатай дэлгэрэнгүй танилцлаа.

Даланзадгад сумын Зүүнсайхан 5-р баг, Цагаанбулаг 8-р баг, Оюутын 7-р баг, Хан-Уулын 2-р баг, Дундсайхан 4-р багийн Иргэдийн Нийтийн Хурал боллоо. Маргааш буюу 10 дугаар сарын 5-ны өдөр Баруунсайхан 1-р баг, Чандмань 9-р баг, Их уул 6-р баг, Начин 10-р багийн ИНХ болох тул иргэд та бүхнийг идэвхитэй оролцохыг уриалж байна.

ДАЛАНЗАДГАД СУМЫН БАГУУДЫН ИРГЭДИЙН НИЙТИЙН ХУРАЛ БОЛЖ БАЙНА. 2025 оны 10 дугаар сарын 5-ны өдөр Даланзадгад сумын Баруунсайхан 1-р баг, Чандмань 9-р баг, Их уул 6-р баг, Начин 10-р багийн Иргэдийн Нийтийн Хурал боллоо.

ӨМНӨГОВЬ АЙМГИЙН ДАТА ТӨВИЙН ҮЙЛ АЖИЛЛАГААТАЙ ТАНИЛЦЛАА Даланзадгад сумын иргэдийн Төлөөлөгчдийн Хурлын дарга Д.Нацагдорж, Даланзадгад сумын Засаг даргын орлогч Ө.Хосбаяр, Даланзадгад сумын иргэдийн Төлөөлөгчдийн Хурлын дэргэдэх Хот суурин, дэд бүтэц, цахим бодлогын хорооны гишүүд, "Смарт сити" дэд хөтөлбөрийн ажлын хэсгийн бүрэлдэхүүн Дата төвийн үйл ажиллагаатай танилцлаа.

Аймгийн ИТХ-аас жил бүр уламжлал болгон зохион байгуулдаг сумдын ИТХ-ын ажлын албаны нэгдсэн арга хэмжээг Даланзадгад сумын ИТХ-тай хамтран зохион байгуулж байна. Уг арга хэмжээний хүрээнд албан хаагчдад зориулан "Тогтвортой хөгжлийн боловсрол", "Насан туршдаа суралцацгаая" зэрэг сургалтыг аймгийн Насан туршийн боловсролын төвтэй хамтран зохион байгууллаа. Мөн аймгийн ИТХ-аас сумдад зөвлөн туслахаар ажилласан ажлын үр дүнг хэлэлцэн зөвлөмж өгч, 2024 оны ажил үйлсээрээ манлайлсан тэргүүний сумын иргэдийн Төлөөлөгчдийн Хурлуудыг шалгаруулан шагнаж урамшууллаа. Түүнчлэн шилдэгээр шалгарсан зарим сумын удирдлагууд ажлын туршлага, шинэ санал санаачилгаасаа хуваалцан тулгамдаж буй асуудлууд болоод цаашид авч хэрэгжүүлэх арга хэмжээний талаар санал солилцлоо. Мөн аймгийн иргэдийн Төлөөлөгчдийн Хурлаас шаардлагатай зарим сумдын ажлын албанд тоног төхөөрөмжийн дэмжлэг үзүүллээ.

Даланзадгад сумын ИТХ-ын ээлжит V хуралдаанаар сумын Засаг даргын 2024-2028 оны үйл ажиллагааны “Өсөлттэй Даланзадгад хот” хөтөлбөрийн хүрээнд хэрэгжих “Смарт сити” дэд хөтөлбөрийг 9 зүйл 78 заалттайгаар баталж, сумын Газар зохион байгуулалтын 2025 оны төлөвлөгөөнд тодотгол хийж нэмэлт өөрчлөлт оруулж, Даланзадгад сумын нутаг дэвсгэрт долоо хоног бүрийн ням гарагийг “Гэр бүлийн өдөр” болгон зарлаж, энэ өдрийг иргэн бүр гэр бүлдээ зориулан өнгөрүүлэхийг уриаллаа.

Тус хурлаар дараах зүйлсийг хэлэлцэнэ. -"Смарт сити" дэд хөтөлбөрийг батлах тухай -Даланзадгад сумын 2025 оны газар зохион байгуулалтын төлөвлөгөөнд нэмэлт тодотгол оруулах тухай -Даланзадгад сумын ИТХ-аас төрийн байгууллага, аж ахуй нэгж, иргэдийг долоо хоног бүрийн ням гарагийг "ГЭР БҮЛДЭЭ ЗОРИУЛАХ ӨДӨР" болгон зарлах уриалга гаргах тухай

Хурлаар дараах асуудлыг хэлэлцлээ. 1. Даланзадгад сумын нутаг дэвсгэрт үйл ажиллагаа явуулдаг шашны байгууллагуудын талаар мэдээлэл сонсох. 2. “Олон улсын шинэ нисэх онгоцны буудал барих” төслийн талаарх мэдээлэл сонсох. 3. Даланзадгад сумын иргэдийн Төлөөлөгчдийн Хурлын хороод, төлөөлөгчдийн үйл ажиллагааг дүгнэх журам батлах тухай. 4. Зэвсэгт хүчний 167 дугаар ангийн үйл ажиллагааны талаар мэдээлэл сонсох тухай асуудал. 5. ИТХ-ын ээлжит тавдугаар хуралдааны хэлэлцэх асуудал, товыг тогтоох тухай.