Аймгийн ИТХ-аас жил бүр уламжлал болгон зохион байгуулдаг сумдын ИТХ-ын ажлын албаны нэгдсэн арга хэмжээг Даланзадгад сумын ИТХ-тай хамтран зохион байгуулж байна. Уг арга хэмжээний хүрээнд албан хаагчдад зориулан "Тогтвортой хөгжлийн боловсрол", "Насан туршдаа суралцацгаая" зэрэг сургалтыг аймгийн Насан туршийн боловсролын төвтэй хамтран зохион байгууллаа. Мөн аймгийн ИТХ-аас сумдад зөвлөн туслахаар ажилласан ажлын үр дүнг хэлэлцэн зөвлөмж өгч, 2024 оны ажил үйлсээрээ манлайлсан тэргүүний сумын иргэдийн Төлөөлөгчдийн Хурлуудыг шалгаруулан шагнаж урамшууллаа. Түүнчлэн шилдэгээр шалгарсан зарим сумын удирдлагууд ажлын туршлага, шинэ санал санаачилгаасаа хуваалцан тулгамдаж буй асуудлууд болоод цаашид авч хэрэгжүүлэх арга хэмжээний талаар санал солилцлоо. Мөн аймгийн иргэдийн Төлөөлөгчдийн Хурлаас шаардлагатай зарим сумдын ажлын албанд тоног төхөөрөмжийн дэмжлэг үзүүллээ.

Даланзадгад сумын ИТХ-ын ээлжит V хуралдаанаар сумын Засаг даргын 2024-2028 оны үйл ажиллагааны “Өсөлттэй Даланзадгад хот” хөтөлбөрийн хүрээнд хэрэгжих “Смарт сити” дэд хөтөлбөрийг 9 зүйл 78 заалттайгаар баталж, сумын Газар зохион байгуулалтын 2025 оны төлөвлөгөөнд тодотгол хийж нэмэлт өөрчлөлт оруулж, Даланзадгад сумын нутаг дэвсгэрт долоо хоног бүрийн ням гарагийг “Гэр бүлийн өдөр” болгон зарлаж, энэ өдрийг иргэн бүр гэр бүлдээ зориулан өнгөрүүлэхийг уриаллаа.

Тус хурлаар дараах зүйлсийг хэлэлцэнэ. -"Смарт сити" дэд хөтөлбөрийг батлах тухай -Даланзадгад сумын 2025 оны газар зохион байгуулалтын төлөвлөгөөнд нэмэлт тодотгол оруулах тухай -Даланзадгад сумын ИТХ-аас төрийн байгууллага, аж ахуй нэгж, иргэдийг долоо хоног бүрийн ням гарагийг "ГЭР БҮЛДЭЭ ЗОРИУЛАХ ӨДӨР" болгон зарлах уриалга гаргах тухай

Хурлаар дараах асуудлыг хэлэлцлээ. 1. Даланзадгад сумын нутаг дэвсгэрт үйл ажиллагаа явуулдаг шашны байгууллагуудын талаар мэдээлэл сонсох. 2. “Олон улсын шинэ нисэх онгоцны буудал барих” төслийн талаарх мэдээлэл сонсох. 3. Даланзадгад сумын иргэдийн Төлөөлөгчдийн Хурлын хороод, төлөөлөгчдийн үйл ажиллагааг дүгнэх журам батлах тухай. 4. Зэвсэгт хүчний 167 дугаар ангийн үйл ажиллагааны талаар мэдээлэл сонсох тухай асуудал. 5. ИТХ-ын ээлжит тавдугаар хуралдааны хэлэлцэх асуудал, товыг тогтоох тухай.

Даланзадгад сумын иргэдийн Төлөөлөгчдийн Хурлын төлөөлөгчдийг Зэвсэгт хүчний 167 дугаар ангийн захирагч хурандаа Х.Лхагвадорж болон ангийн удирдлагууд хүлээн авч ангийн үйл ажиллагаа, орчин нөхцөлтэй танилцууллаа. Даланзадгад сумаас хугацаат цэргийн албанд татагдан тус ангид алба хааж буй цэргүүдтэй уулзаж алба хаах үйлсэд нь амжилт хүслээ.

Даланзадгад сумын гэмт хэргээс урьдчилан сэргийлэх ажлыг зохицуулах салбар зөвлөл хуралдаж 2025 онд хийгдэх төлөвлөгөөг боловсрууллаа

Даланзадгад сумын 2024 оны алдартангуудаа тодрууллаа. Үүнд: 1. “Оны шилдэг төрийн албан хаагч” – Өмнөговь аймгийн Мал эмнэлэгийн газрын дотоод хяналт, шилжилт хөдөлгөөн баталгаажуулалт, эмийн хяналт хариуцсан улсын ахлах байцаагч Төмөрийн Буянжаргал 2. “Оны шилдэг эрүүл мэндийн ажилтан” – “Говь дент анхны цахиур” орон нутгийн өмчит аж ахуйн тооцоотой үйлдвэрийн газрын нүүр амны их эмч Мандахын Мөнхтуяа 3. “Оны шилдэг боловсролын ажилтан” – Даланзадгад сумын ерөнхий боловсролын 5 дугаар сургуулийн бага боловсролын багш Бямбажавын Жаргалсүрэн 4. “Оны шилдэг сурагч” – Даланзадгад сумын ерөнхий боловсролын 1 дүгээр сургуулийн 7-р ангийн сурагч Отгонбаярын Молор-Эрдэнэ 5. “Оны шилдэг бүтээн байгуулагч” – “Цоглог говь” хүнсний үйлдвэрийн захирал Ренчинхандын Цогнэмэх 6. “Оны шилдэг соёл, урлагын алдартан” – Хөгжимт жүжгийн театрын хөгжимчин Энхтуяагийн Түмэндэмбэрэл 7. “Оны шилдэг спортын алдартан”- Даланзадгад сумын ерөнхий боловсролын 1 дүгээр сургуулийн сурагч Батмөнхийн Нандинхүү 8. “Оны шилдэг үйлчилгээний ажилтан” – Даланзадгад сумын хотын Захирагчийн ажлын албаны зам талбайн үйлчлэгч Урантогтохын Хадбаяр 9. “Оны шилдэг хөдөө аж ахуйн ажилтан” – “ДЗ өндөг” шувууны аж ахуй эрхлэгч Даваагийн Гантулга 10. “Оны шилдэг Байгальд ээлтэй иргэн” – “Гайхамшигч говь аялал жуулчлалын холбоо” -ны тэргүүн Хумбаагийн Түмэндэлгэр

Тус хуралдаанаар дараах 12 асуудлыг хэлэлцэнэ батална. -”Эрүүл ирээдүй” хөтөлбөр батлах тухай. -”Боловсролын ундрага” хөтөлбөр батлах тухай. -”Хотын залуус” хөтөлбөр батлах тухай. -”Хотын баялаг” хөтөлбөр батлах тухай. -”Эко хот” хөтөлбөр батлах тухай. -”Соёлын дархлаа” хөтөлбөр батлах тухай. -”Оюуны өсөлт” хөтөлбөр батлах тухай. -”Хамтаар амьдрах соёл” хөтөлбөр батлах тухай. -”Нутгийн шим” хөтөлбөр батлах тухай. -Даланзадгад сумын ИТХ-н хороодын үйл ажиллагааны журам чиг үүрэг хороодын бүрэлдэхүүнийг батлах тухай. -Сумын гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнийг батлах тухай. -Сумын ИТХ-с батлагдсан тогтоол шийдвэрийн хэрэгжилтийн тухай хэлэлцэнэ.

Даланзадгад сумын иргэдийн Төлөөлөгчдийн Хурлын 04 дүгээр Хуралдаан 02 дугаар сарын 24-ний өдөр болохтой холбогдуулан ээлжит 04-р Хуралдаанаар хэлэлцэх асуудлуудыг ИТХ-ын намын бүлэг урьдчилан хэлэлцлээ.

Даланзадгад сумын ИТХ-ын 2025 оны ээлжит 04 дүгээр хуралдаанаар хэлэлцэх дараах асуудлуудыг урьдчилан хэлэлцлээ.

Багийн иргэдийн Нийтийн Хурал 2025 оны 01 дүгээр сарын 31-ний өдөр хуралдаж тус хуралдаанаар хуралдаан даргалагч, Засаг дарга, Хурлын зөвлөлийн гишүүдийг сонгох асуудлуудыг хэлэлцлээ. Хуралд оролцсон иргэдийн санал хураалтын дүнд хуралдаан даргалагчаар Цэнгэлжаргалын Будгэрэл сонгогдож багийн Засаг даргаар Уламбаярын Хашчулууныг сонгож нэр дэвшүүллээ .

Багийн иргэдийн Нийтийн Хурал 2025 оны 01 дүгээр сарын 31-ний өдөр хуралдаж тус хуралдаанаар хуралдаан даргалагч, Засаг дарга, Хурлын зөвлөлийн гишүүдийг сонгох асуудлуудыг хэлэлцлээ. Хуралд оролцсон иргэдийн санал хураалтын дүнд хуралдаан даргалагчаар Хорлоогийн Батболд сонгогдож багийн Засаг даргаар Бат-Очирын Минжмааг сонгож нэр дэвшүүллээ .

ИТХ-ын 02 хуралдаан 2024 оны 12 дугаар сарын 13-ны өдөр 82,7 хувийн ирцтэйгээр хуралдаж, Хурлын хороодын дарга нар хороодын хурлын дүгнэлтээ танилцуулан хэлэлцэх асуудлууд дарааллын дагуу хэлэлцэгдэж байна. Хурлаар хэлэлцэх асуудлууд: 1. Сумын иргэдийн Төлөөлөгчдийн Хурлын хуралдааны дэг батлах тухай 2. 2024 онд сумын “Орон нутгийн хөгжлийн сан”-ийн хөрөнгө оруулалтаар хийгдсэн ажлын тайлан. 3. Сумын 2024 оны Газар зохион байгуулалтын төлөвлөгөөний хэрэгжилт, 2025 оны газар зохион байгуулалтын төлөвлөгөө батлах тухай. 4. ”Хоршоог хөгжүүлэх сан”-ийн үйл ажиллагааны тайлан. 5. ”Хоршоог хөгжүүлэх сан”-ийн хөрөнгийн зарцуулалт, зээлийн ашиглалт, эргэн төлөлтөд хяналт тавих орон тооны бус зөвлөлийн ажлын тайлан. 6.”Хоршоог хөгжүүлэх сан”-ийн хөрөнгөөр хэрэгжүүлэх төслийг сонгон шалгаруулах хорооны бүрэлдэхүүнийг шинэчлэн байгуулах тухай. 7. ”Хоршоог хөгжүүлэх сан”-ийн хөрөнгийн зарцуулалт, зээлийн ашиглалт, эргэн төлөлтөд хяналт тавих орон тооны бус зөвлөлийг шинэчлэн байгуулах тухай. 8.“Хоршоог хөгжүүлэх сан”-ийн төсөл сонгон шалгаруулах товыг тогтоох тухай 9.”Хоршоог хөгжүүлэх сан”-аас олгох зээлийн салбар, чиглэлийг шинэчлэн батлах тухай. 10. Хөрөнгө данснаас хасах тухай. 11. Даланзадгад сумын иргэдийн Төлөөлөгчдийн Хурлын 2024 оны 18/3 дугаар тогтоолын 2 дугаар хавсралтад өөрчлөлт оруулах тухай. 12. Даланзадгад сумын газар зүйн нэрсийн жагсаалт батлах тухай. 13. Сумын иргэдийн Төлөөлөгчдийн Хурлын ажлын албаны бүтэц, орон тоо шинэчлэн батлах тухай. 14. Нутгийн удирдлагын төлөөллийн байгууллагын төлөөлөгч сонгох тухай.

ИТХ-ын анхдугаар хуралдаан 2024 оны 10 дугаарын сарын 25-ний өдөр 100 хувийн ирцтэйгээр хуралдаж, Хуралдааныг насаар хамгийн ахмад төлөөлөгч болох Даланзадгад сумын 4-р тойргоос сонгогдсон төлөөлөгч Доржпаламын Нацагдорж даргалан явууллаа. Хуралдаанаар дараах асуудлуудыг хэлэлцэн баталлаа. 1. Сонгогдсон төлөөлөгчдийн бүрэн эрхийг зөвшөөрөх тухай 2. Сумын иргэдийн төлөөлөгчдийн хурлын даргыг чөлөөлөх, сонгох тухай 3. Сумын Засаг даргад нэр дэвшүүлэх тухай 4. Сумын иргэдийн Төлөөлөгчдийн хурлын Зөвлөлийн гишүүдийн тоог тогтоож, сонгох тухай 5. Хурлын хороодын бүрэлдэхүүнийг батлах тухай .